Ерөнхий сайд Г.Занданшатар Швейцарийн Давос хотноо зохион байгуулагдаж буй Дэлхийн эдийн засгийн 56 дугаар чуулга уулзалтад оролцож буй. Энэ үеэрээ өчигдөр АНУ-ын Ерөнхийлөгч Доналд Трампын санаачилсан “Энхийн зөвлөл“-д албан ёсоор нэгдсэнээр Монгол Улс үүсгэн байгуулагч гишүүн улс болсон юм.

Тэгвэл АНУ-аас Монгол Улсад суугаа Элчин сайд Ричард Буанган твиттер хуудаснаа "Ерөнхий сайд Г.Занданшатарт баяр хүргэе. мөн "Энхтайвны зөвлөл"-ийн үүсгэн байгуулагч гишүүн болсонд Монгол Улсад талархал илэрхийлье. Ерөнхийлөгч Доналд Трампын удирдлага дор хэрэгжиж буй энэхүү түүхэн санаачилга нь Газад эцэст нь энх тайвныг авчрах болно" гэжээ.