УИХ-ын чуулганы нэгдсэн хуралдаан үргэлжилж байна. Хуралдаанаар С.Наранцогтыг Монголбанкны Ерөнхийлөгчөөр томилох эсэх асуудлыг хэлэлцэж байгаа юм. Энэ үеэр УИХ-ын дарга Н.Учрал дэд сайд нарын томилгоотой холбоотойгоор "Сайд нар биеэ хэд хуваахаа мэдэхээ больсон. Ажлын хэсэгт суудаг хүнгүй болсон. Томилгоонуудыг шийдээд ажлыг нь шахаад явья. Бие биеэ хуурахаа больё. Дэд сайд, захирлын ранктай бүтээмж, хяналтууд бий болчихсон байсан шүү" гэв.