НИТХ-аар нийслэлийн 2026 оны төсвийг хэлэлцэн баталлаа. Үүнтэй холбогдуулан НИТХ-ын төлөөлөгч, БЗД-ийн Засаг дарга Г.Жаргалсайханаас тодрууллаа. Тэрбээр ирэх оны нийслэлийн төсөвт дэлбэрэлтэд өртсөн 207-р байрыг шинээр барьж байгуулах ажил багтсан талаар ярилаа.

Сануулахад, 2024 оны нэгдүгээр сарын 23-24-нд шилжих шөнө "Дашваанжил" ХХК-ийн газ тээвэрлэж явсан ачааны машин суудлын автомашинтай шүргэлцсэний улмаас гал гарч, дэлбэрэлт үүссэн олон хүн амь нас, эрүүл мэнд, эд хөрөнгөөрөө хохирсон байдаг.