“BCH Knights” багийн Д.Дөлгөөнмөрөн "Завхан Бродерс” багт оржээ. Энэ тухай “BCH Knights” багаас "Д.Дөлгөөнмөрөнгийнхөө цаашдын замналд нь хамгийн өндөр амжилтыг хүсэн ерөөж “Завхан Бродерс” багруу явуулж байна.

Түүний өөрийгөө илүү хөгжүүлэх, талбай дээр илүү олон минут тоглож, чадвараа бүрэн харуулах хүсэл эрмэлзлийг бид хүндэтгэн дэмжиж, сонголтыг нь ойлгож хүлээн авсан юм. Завхан Бродерс багт шинэ уур амьсгал, эрч хүч нэмж, өөрийн өнгө төрх, ур чадвараараа гайхагдан амжилт гаргаж чадна гэдэгт бид итгэлтэй байна.

Чи үргэлж Knights-ийн гэр бүлийн нэг хэсэг хэвээр байх болно. Амжилт ололт, шаргуу хөдөлмөрөөр дүүрэн улирал чамайг хүлээж байна" гэжээ.