Аймгийн удирдлагууд Эрүүл мэндийн газрын дарга болон Бүсийн оношилгоо, эмчилгээний төвийн удирдлагуудтай уулзаж, томуу, томуу төст өвчний тархалт, эмнэлгийн ачааллын талаар мэдээлэл авлаа.
Улсын хэмжээнд эрсдэлийн үнэлгээ хийгдэж, холбогдох зөвлөмжийг аймагт илгээхээр хүлээгдэж байгааг танилцуулж, томуугийн дэгдэлтийн үед авч хэрэгжүүлэх шаардлагатай арга хэмжээ, урьдчилан сэргийлэх ажил, эрсдэлийг бууруулах чиглэлүүдийн талаар санал солилцов.
Мөн иргэдийн эрүүл мэндийг хамгаалах зорилгоор эмнэлгийн бэлэн байдлыг хангах, шаардлагатай хүн хүч, нөөц бүрдүүлэлт хийх, өвчлөлийн тандалтын мэдээллийг тогтмол шинэчилж ажиллахыг Эрүүл мэндийн газар болон Бүсийн оношилгоо эмчилгээний төвд үүрэг чиглэл болголоо.
