УИХ-ын чуулганы үдээс хойшх хуралдаанаар 2026 оны төсвийн тухай хуулийн төсөлд гишүүдийн гаргасан зарчмын зөрүүтэй саналуудад санал хураалт явууллаа.

Тухайлбал, УИХ-ын гишүүн Д.Ганмаагийн гаргасан "Эмч, эмнэлгийн ажилчдын үндсэн цалинг 50 хувиар нэмэгдүүлэх" зарчмын зөрүүтэй санал эхний санал хураалтаар дэмжигдсэн. Гэвч Зам, тээврийн сайд Б.Дэлгэрсайхан "Дахин санал хураах" горимын санал гаргасны дагуу дахин санал хураалт явуулахад, дөрвөн гишүүний саналаар "Эмч, эмнэлгийн ажилчдын цалинг нэмэгдүүлэх" санал дэмжигдсэнгүй.

Энэ талаар санал гаргасан УИХ-ын гишүүн Д.Ганмаа байр сууриа илэрхийлжээ.