УИХ-ын чуулганы Пүрэв гарагийн хуралдааны үдээс хойшхи чуулган эхэллээ. Гэвч үдээс өмнөх чуулганы хуралдаанаас завсарлага аваад байсан МАН-ын бүлэг хуралдсан хэвээр байна. Үүнтэй холбоотойгоор тус намын бүлгээс дахин завсарлага авах хүсэлтийг УИХ-ын дэд дарга Б.Пүрэвдоржид уламжилсан. Гэвч УИХ-ын дэд дарга Б.Пүрэвдоржийн зүгээс МАН-ын бүлэгт үргэлжлүүлэн 1 цаг 30 минутын завсарлага өгсөн юм. Энэ үеэр УИХ-ын гишүүн Ч.Лодойсамбуу "Төрийн ажлыг хурдан явуулъя, Ардын намынхаан. Юун байр сууриа нэгтгэх вэ. Яасан нэгтгэж ханадаггүй юм бэ" гэв.
