УИХ-ын чуулганы Пүрэв гарагийн хуралдааны үдээс хойшхи чуулган эхэллээ. Гэвч үдээс өмнөх чуулганы хуралдаанаас завсарлага аваад байсан МАН-ын бүлэг хуралдсан хэвээр байна. Үүнтэй холбоотойгоор тус намын бүлгээс Монгол Улсын 2026 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүд болон “Хянан шалгах түр хороо байгуулах тухай” Улсын Их Хурлын тогтоолын төсөл /Улсын Их Хурлын гишүүн Л.Оюун-Эрдэнэ нарын 33 гишүүн 2025.10.06-ны өдөр өргөн мэдүүлсэн/ асуудал дээр өнөөдрийн хуралдаанаас завсарлага авах хүсэлтийг УИХ-ын дэд дарга Б.Пүрэвдоржид уламжилсан. Гэвч УИХ-ын дэд дарга Б.Пүрэвдоржийн зүгээс МАН-ын бүлэгт үргэлжлүүлэн 1 цаг 30 минутын завсарлага өглөө.
