УИХ дахь Ардчилсан намын бүлэг ээлжит бусаар хуралдах гэж байна. Хуралдаанаар УИХ-ын дэд дарга Х.Булгантуяагийн асуудлыг хэлэлцэх аж. УИХ-ын даргын дэргэдэх зөвлөлөөс товлосны дагуу маргааш 14.00 цагаас УИХ-ын чуулганы нэгдсэн хуралдаанаар УИХ-ын дэд даргыг сонгох, чөлөөлөх асуудлыг хэлэлцэх юм.

Сануулахад, ҮХЦ-ийн Их суудлын хуралдаанаар Ерөнхий сайд Г.Занданшатарыг огцруулсан УИХ-ын 95 дугаар тогтоолыг болон тухайн чуулганы хуралдааныг удирдсан УИХ-ын дэд дарга Х.Булгантуяаг "Үндсэн хуулийн холбогдох заалтуудыг зөрчсөн" гэж үзсэн байдаг.