Цалингаа 3.5 сая төгрөг хүртэл нэмэгдүүлэхийг шаардсан багш нарын ажил хаялт гурав дахь долоо хоногтоо үргэлжилж буй.
Бид өчигдөр /11.01/ мэдээлсэнчлэн, БШУ-ны ҮЭХ-ны дарга З.Цогтгэрэлээс утсаар тодруулахад "Хоёр тал тохиролцоонд хүрч гарын үсэг зурсан. Одоо процессийн дагуу Гэр бүл, хөдөлмөр, нийгмийн хамгааллын яаманд бүртгүүлэхээр хүсэлтээ өгсөн байгаа. Тус яам бүртгэсний дараа албажина" гэж тайлбарласан байдаг.
Тэгвэл өнөөдөр түүнээс дахин тодруулахад "Гэр бүл, хөдөлмөр, нийгмийн хамгааллын яамнаас хариу ирээгүй байна. Албан ёсоор эцсийн шийдвэр гараагүй тул ажил хаялт хэзээ зогсож, хичээл хэзээ орох нь тодорхойгүй байна" гэлээ.
