Өнгөрөгч аравдугаар сарын 17-ны УИХ-ын чуулганаар УИХ-ын дарга Д.Амарбаясгаланг үүрэгт ажлаас нь өөрийнх нь хүсэлтээр чөлөөлсөн байдаг. Үүнээс хойш хоёр долоо хоногийн хугацаа өнгөрсөн ч дараагийн УИХ-ын даргыг томилгоо хийгдээгүй хэвээр байна. Үүнтэй зэрэгцэн МАН дотооддоо хоёр хуваагдсан асуудал ч үүсээд буй. Үүсээд буй нөхцөл байдалд эвлэрүүлэх ажлын хэсэг ч Удирдах зөвлөлийн шийдвэрээр байгуулагдан ажиллаж байгаа юм.

МАН-ын Их хурал ирэх сарын 15,16-ны өдрүүдэд товлогдсон. Тэгвэл МАН-ын Их хурлын дараагаар УИХ-ын даргын томилгоог хийх төлөвтэй байна. Учир нь одоогийн нөхцөлд УИХ-ын даргын өрсөлдөөн бүлэг дотор өрнөвөл хоёр талдаа гарчихсан байгаа бүлэг дахин талцал маргаан руу хөтөлнө. Иймд дахин үүсэж болзошгүй хагаралын асуудлаас сэргийлэх ийм шийдэл дээр төвлөрч буй аж.