УИХ-ын чуулганы Пүрэв гарагийн хуралдаан хуралдаж дууслаа. Тодруулбал, өнөөдрийн хуралдаанаар Үндсэн хуулийн цэцэд хүсэлт гаргах саналын тухай, Газрын тосны тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд, “Хянан шалгах түр хороо байгуулах тухай” Улсын Их Хурлын тогтоолын төслийг хэлэлцэхээр байсан. Гэвч Газрын тосны тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд, “Хянан шалгах түр хороо байгуулах тухай” Улсын Их Хурлын тогтоолын төслийн хэлэлцүүлэг байнгын хороон дээр явагдаагүй байгаа учраас хэлэлцсэнгүй. Харин УИХ-ын гишүүн С.Ганбаатарын санаачилсан ҮХЦ-д гаргах хүсэлтийн санал хураалтыг хойшлууллаа.