Ирэх оны төсвийн төслийг гурав дахь хэлэлцүүлэгт шилжүүлсэнтэй холбоотойгоор УИХ-ын Төсвийн байнгын хороон дээр ажлын хэсэг байгуулагдсан. Харин өнөөдөр тус ажлын хэсгийн хуралдааны үеэр цалин, тэтгэврийг нэмэхийн тулд хүүхдийн мөнгийг хасах асуудал хөндөгдсөн талаар Гэр бүл, хөдөлмөр, нийгмийн хамгааллын сайд Т.Аубакир мэдээлсэн. Тэгвэл эл асуудалтай холбоотойгоор Төсвийн байнгын хорооны дарга Х.Ганхуяг үгүйсгэсэн байр суурийг илэрхийллээ. Тэрбээр хүүхдийн мөнгөнд ГАР ХҮРЭХГҮЙ гэх байр суурийг бүлгийн хуралдааны дараагаар мэдэгдлээ.