Аж үйлдвэр, эрдэс баялгийн сайд Г.Дамдиннямаас шатахууны импорт болон ШТС-уудын нөхцөл байдлын талаар тодрууллаа. Тэрбээр энэ үеэр "Зарим жолооч нар 25-ын канистрт шатахуунаа нөөцөлж аваад, шаглаж зараад байна. Битгий нэгнийхээ боломжийг хулгайлаад байгаач ээ" гэв.

Мөн тэрбээр "Зарим хүмүүс дугаарлаж аваад машинаасаа суллаж цуглуулаад дамлаж зараад байгаа үйлдлийг албаныхан баримтжуулжээ. Нэг машин хэд хэдэн ШТС дамжиж дугаарлаад байгаа бүртгэл ч их гарах юм. Бэрхшээлтэй цаг үеийг бид хамтаараа л давж гарна. Гэтэл ийм таагүй үйлдэл хийж байгаа хүмүүс багагүй л байна" гэжээ.