Ерөнхий сайдыг огцруулах асуудлыг хэлэлцэх УИХ-ын Төрийн байгуулалтын байнгын хорооны хуралдаан 14.00 цагт товлогдсон. Гэвч 14.30 цагийн байдлаар ирц хангалтгүй байгаа тул хуралдаан эхлээгүй, хүлээлтийн байдалтай байна.
ТББХ-ны дарга Ц.Сандаг-Очир хуралдааны ирцийг танилцуулаад, “ТББХ-ны дараа чуулганы хуралдаантай тул хурлаа цагтаа эхлүүлмээр байна” гэв. 14:23 цагийн байдлаар Ц.Сандаг-Очир, Б.Хэрлэн, П.Сайнзориг, Б.Баярбаатар, С.Зулпхар, А.Ариунзаяа, Ч.Лодойсамбуу, О.Алтангэрэл, Ц.Идэрбат, Л.Энх-Амгалан, Ж.Бат-Эрдэнэ, О.Саранчулуун, Ц.Даваасүрэн нар хуралдаандаа ирсэн байна.
