Засгийн газрын ээлжит хуралдаан боллоо. Засгийн газрын хуралдаанаас гарсан шийдвэрүүдийн талаар Эрүүл мэндийн сайд Ж.Чинбүрэн, ГБХНХ-ын сайд Т.Аубакир, ТЭЦ-3 дахь БЭТ Н.Тавинбэх нар танилцуулсан юм. Энэ үеэр эрүүл мэндийн салбарын эмч ажилчдын цалинтай холбоотойгоор Эрүүл мэндийн сайд Ж.Чинбүрэн "Цалин нэмэхгүй гээд байгаа юм биш. 2025 онд ЭМДС-гаас 316 тэрбум төгрөгийг гаргаад 2024 оных нь өрийг төлчихсөн. Хэрэв тэр мөнгө байсан бол ЭМДС-гийн үйл ажиллагаа зогсохгүй, хангалттай хүрчих байсан юм. ЭМДС цоорхой шанага шиг болсон. Мөнгө хийгээд байдаг ч хаашаа орсон нь мэдэгддэггүй" гэв.
