Өргөдлийн байнгын хороо хуралдлаа. Хуралдаанаар Монгол Улсын 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2025.09.01-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн болон Эдийн засгийн байнгын хороонд хүргүүлнэ./ хэлэлцэв.

Энэ үеэр УИХ-ын гишүүн Р.Эрдэнэбүрэн "Урсгал зардал өсөж буй нь улстөрчдийн сонгуулийн амлалтын л үр дүн. Урсгал зардлыг СЯ хязгаарлаж чадахгүй. Сайд нарын хэн нь ч урсгал зардлаа танана, цалин нэмэхгүй гэж хэлж чадахгүй шүү дээ" гэлээ.