УИХ дахь Ардчилсан намын бүлэг өргөтгөсөн байдлаар хуралдлаа. Хуралдаанаар Ардчилсан намаас дараах шаардлагыг гаргажээ. Энэ талаар УИХ дахь АН-ын бүлгийн дарга О.Цогтгэрэл "УИХ-ын дарга Д.Амарбаясгалантай холбоотой байж болзошгүй ноцтой гэмт хэргийг хуулийн байгууллага шалгаж тогтоох ёстой. Энэ ноцтой асуудал эцэслэн шийдвэрлэгдтэл УИХ-ын дарга чуулганы хуралдааныг удирдах ёс суртахуунгүй гэж үзэж байна" гэв.
