Монголын эмэгтэй сагсан бөмбөгийн түүхэнд шинэ хуудас нээгдэж, Ulaanbaatar Amazons баг FIBA Women’s Basketball League Asia 2025 тэмцээний эхний тоглолтоо Dongguan New Century Club багтай хийж 74:90-ээр хожигдол хүлээлээ.
Тус тэмцээн нь энэ сарын 23-28-нд БНХАУ-ын Дунгуан хотын Спортын төвд зохион байгуулагдаж байгаа юм. Энэ удаагийн тэмцээнд Монголын баг анх удаа оролцож байгаа нь Монголын эмэгтэй сагсан бөмбөгийн түүхэнд түүхэн ач холбогдолтой үйл явдал юм.
WBLA нь зөвхөн түрүүлэхийн төлөөх өрсөлдөөн бус, Азийн шилдэг багууд өөрсдийн чадвараа сорьж, олон улсын чансаанд оноо авах чухал тавцан гэдгийг санах хэрэгтэй.
