Монголын eSports-ийн баг "The MongolZ" Саудын Арабын Рияд хотноо зохион байгуулагдсан Esports World Cup 2025 тэмцээнд түрүүлж, багийнхаа түүхэнд хамгийн том шагналыг хүртсэн. Мөн MongolZ баг нь Fissure Playground 2 тэмцээний хоёрдох тоглолтдоо ялалт байгуулж дэлхийн чансааг тэргүүлж эхэлсэн. Дэлхийн хэмжээний “том эвент”-д аваргалсан тэд өөрсдөө Соёлын элч болох хүсэлтийг ССАЖЗЯ-нд тавьжээ.
Энэ талаар Соёл спорт, аялал жуулчлал, залуучуудын сайд Ч.Ундрам: "Уг хүсэлтийг ГХЯ-нд өгсөн байгаа. "MongolZ" баг хүсэл сонирхлоороо, энэ спортыг сонгоод олон улсад тоглож байгаа. Амжилт гаргаад ОУ-ын байгууллагаас шагналаа аваад явж байгаа. Хууль дүрэмгүй бол бид татвар төлөгчдийн мөнгөнөөс заавал өгөх дүрэмгүй. Улсаасаа мөнгө нэхээд байдаг тамирчид цөөхөн шүү гэдгийг хэлмээр байна" гэлээ.
.
