Хорватын Загреб хотноо явагдаж буй чөлөөт бөхийн ДАШТ-ий дөрөв дэх өдөр эмэгтэйчүүдийн 50 кг-ын жинд Б.Мөнхнар, 57 кг-д Х.Болортуяа, 65 кг-д Т.Энхжин, 76 кг-ын жинд Э.Даваанасан нар хүч сорих болно.
Мөн 59 кг-д Т.Алтжин хүрэл медалийн төлөө, эрэгтэйчүүдийн 97 кг-д Г.Ганхуяг дагах барилдаанд зодоглоно.
ОУХМ Г.Ганхуяг шөвгийн 16-д шалгарахын төлөөх барилдаанд Ираны Амир Али Азарпирад сүүлийн оноогоор 2:2-оор харамсалтай дийлдсэн. Түүнийг ялсан иран бөх дараагийн гурван учраагаа ялж, финалдсан тул Г.Ганхуяг дагаж барилдахаар болсон юм.
Дагах болон урьдчилсан шатны барилдаанууд 16:30 цагаас эхлэх хуваарьтай байна.
