Соёлын сайд С.Чулуун, Төрийн соёрхолт, түүхч Д.Өлзийбаатар нар Монголын тал Хятадын талд архивын 640 мянган нүүр баримт бичгийг Хятадад арилжаалсан гэх ноцтой баримт, мэдээлэл бүхий "Түүхээ худалдсан түүхчид" нэвтрүүлэг цацагдсан билээ. Тэгвэл энэ тухай түүхч Д.Өлзийбаатар өөрийн албан ёсны хуудастаа тайлбар хийжээ.

Тэрбээр, “За хүний мууд дурлагсад үүнийг үзчихээрэй. Шалгаад тогтоочихсон юм. Энэ баримтыг гаргаж тавихгүй харлуулах талаа л бариад дайраад байгаа биздээ, эрэн сурвалжлагчид. Одоо болноо хэрээс хэтэрлээ гэж би мөн ч олон хэлсэн дээ. Баримтаа зараад мөнгө хүүдийлээд сууж байх хүмүүс бишээ бид. Яаж ч хэмлэсэн яс цайж, зүрх зогсотлоо улс Монголынхоо төлөө зүтгэх л болно” хэмээсэн байна.