Ирэх 2026 оны улсын төсвийг УИХ-д өргөн барихтай холбогдуулан олон нийтийн хэлэлцүүлэг өрнүүлж, цахимаар санал асуулга явуулж буй. Энэ хүрээнд боловсролын салбарт багш нарын цалин хөлсийг нэмэгдүүлэх санал ихээр иржээ. Үүнтэй холбогдуулан Боловсролын сайд П.Наранбаяр Гэр бүл, хөдөлмөр, нийгмийн хамгааллын сайд Т.Аубакирт багш нарын цалин хөлсийг нэмэгдүүлэх, цалин хөлсний бүтцийг судлах, дүн шинжилгээ хийх хамтарсан ажлын хэсэг байгуулах саналыг хүргүүлсэн байна.