Хотын дарга Х.Нямбаатар "Хотын авто замын сүлжээг өргөтгөх, түгжрэл бууруулах хүрээнд хэд хэдэн уулзварыг олон түвшний уулзвар болгоно" гэлээ. Тодруулбал, "Баруун дөрвөн зам, Саппоро, Гэсэр сүм, МИС, “Монос”, Баянбүрд, 32-ын тойрог, Зүүн дөрвөн зам зэрэг ачаалал ихтэй 18 байршилд олон түвшний уулзварыг шат дараатай хийхээр бэлтгэл ажлыг хангаж байна.
Нэн тэргүүнд баруун талд хамгийн их ачаалал авч байгаа “Монос”-ын уулзвар мөн МИС-ийн уулзварыг олон түвшний болгох зураг төслийн ажлыг Хот төлөвлөлт, судалгааны институт боловсруулж, хөдөлгөөн зохион байгуулалтын эскиз зураг гарган, холбогдох байгууллагуудтай зөвшилцөж байна" гэсэн юм.
