Монгол улсын эрүүл мэндийн салбарт тулгамдаж буй чухал асуудлуудын нэг болох Хүүхдийн төрөлхийн зүрхний гажиг, эмгэг, судлалын чиглэлээр БНСУ-ын Хэвон эмнэлгийн сангийн Сэжун сантай УИХ-ын гишүүн Б.Бат-эрдэнэ 2024 оны 7 сарын 22нд хамтын ажиллагааны гэрээ байгуулсан. Энэхүү хамтран ажиллах гэрээний хүрээнд Хойд бүсийн Хөвсгөл, Булган ,Орхон аймгаас Төрөлхийн зүрхний гажиг, эмгэгтэй нийт 10 хүүхдийн материалыг тус эмнэлэг рүү илгээжээ. Эхний шатанд таван хүүхдийн мэдээллийг БНСУ-ын Сэжун эмнэлэг хүлээн авч өнөөдөр 2 настай М охинд эхний хагалгаагаа амжилттай хийлээ. Нийгмийн эрүүл мэнд болон бяцхан хүүхдүүдийн төлөө хийж байгаа энэ ариун үйлс цаашид үргэлжлэх юм.