Улаанбурхан өвчний улмаас долоон хүүхэд нас барсан болохыг ХӨСҮТ-өөс мэдээллээ. Эндсэн хүүхдүүдийн тав нь вакцинд хамрагдах нас болоогүй байсан бол хоёр нь вакцинд хамрагдаагүй байжээ. Өнөөдрийн байдлаар нэн хүнд хоёр хүүхэд эрчимт эмчилгээний тасагт хэвтэн эмчлүүлж байгааг ХӨСҮТ-ийн захирал Э.Анхбаяр хэллээ.
Халдварт өвчин судлалын үндэсний төвд улаанбурхан өвчний батлагдсан тохиолдол 8648 бүртгэгджээ. Үүнээс эдгэрсэн хүн нь 6796 байгаа бол эмнэлэгт 691 хүн эмчлүүлж байна. Эдгээрээс биеийн байдал нь хөнгөн 53 хүн, дунд 599, хүнд 37 хүн байна. Халдварт өвчнөөр өвдсөн хүмүүсийн 67.4 хувь нь хүүхэд байна.
