Хууль зүй, дотоод хэргийн яамны шинээр барьсан өргөтгөлийн дотоод засал чимэглэл болон удирдах албан тушаалтнуудын өрөөг өндөр үнийн дүн бүхий мөнгөөр тохижуулжээ. Хууль зүй дотоод хэргийн яам нь 2019 онд 626.330.000 төгрөгийн үнийн дүн бүхий тавилга, тохижилт хийсэн тухайгаа худалдан авах ажиллагааны тайландаа тусгасан байна. 

Үүнтэй холбогдуулан шинээр тохижуулсан өрөөгөө үзүүлэх хүсэлтийг “Бид уучлахгүй” хөдөлгөөнөөс тус яаманд хүргүүлсэн боловч татгалзсан хариуг авсан байна.

Тус хөдөлгөөний зохицуулагч Б.Мөнхцэлмэг "Өнөөдөр Хууль зүй, дотоод хэргийн яамны Төрийн нарийн бичгийн даргын 51.6 сая төгрөгөөр тохижуулсан өрөөг үзэх хүсэлт гаргасан боловч хамгаалалтын ажилтнууд албадан гаргаж, улмаар тавьсан хүсэлтийн хариуг нь өгсөнгүй" гэв.