"Лозанн-2020" Залуучуудын өвлийн Олимпийн наадмын Гүйлтийн цанын сонгодог тэшилтийн төрлүүд өнөөдөр зохион байгуулагдана.

Эмэгтэйчүүдийн 5км-ийн зайн уралдаан Улаанбаатар хотын цагаар 18:00 цагт эхлэх бөгөөд нийт 83 тамирчин өрсөлдөнө. Монгол улсаас оролцож буй тамирчин Д.Урангоо 13 дугаарт, Б.Номин-Эрдэнэ 15 дугаарт гараанаас гарна.

Эрэгтэйчүүдийн 10км-ийн зайд нийт 85 тамирчин уралдах бөгөөд Б.Хонгор 13 дугаарт, О.Золбаяр 28 дугаарт Улаанбаатар хотын цагаар 20:00 цагт гараанаас гарна.

Гүйлтийн цанын сонгодог тэшилтийн уралдаануудад, тамирчид 30 секундийн зайтай цуварч гараанаас гарах бөгөөд тэшилтийн сонгодог техникээр 2.5км зайн тойргийг эмэгтэйчүүд 2 удаа, эрэгтэйчүүд 4 удаа тойрох дүрэмтэй байдаг ажээ.