УИХ-ын чуулганы нэгдсэн хуралдаанаар Ерөнхий сайдыг томилох эсэх асуудлыг хэлэлцэж байна. Яг одоо гишүүд Ерөнхий сайдад нэр дэвшигч Г.Занданшатарт хандаж үг хэлж байна.
УИХ-ын гишүүн С.Эрдэнэболд "Эзэн хичээвэл заяа хичээнэ гэж үг байдаг. Өнөөдөр Монгол Улсын жирийн иргэн хичээгээд, хичээгээд заяа нь улам доройтоод байна. Тиймээс шинээр бүрэлдэх ЗГ, Ерөнхий сайд онцгой анхаарах хэрэгтэй. Иргэд юунд бухимдаад байгааг өглөө болгон санаж байх ёстой. Бодит байдлыг хүлээн зөвшөөрч, үнэнийг нуух ёсгүй. Ерөнхий сайд томилогдоод л хариуцлагын том ачаа үүрнэ. Төрийн хүн шуналгүй байх ёстой. Шуналгүй хүмүүсийг кабенитдаа оруулах ёстой. "Огцрох амархан" гэдэг талбай дээр 20 гаруй хоног хэлэгдсэн үг таныг ажлаа авсан эхний өдрөөс хүмүүсийн сэтгэлд магадгүй сэдэл болж эхэлнэ. Тиймээс итгэл гэдэг зүйлийг алдахгүй хичээгээрэй" гэлээ.
