УИХ-ын чуулганы нэгдсэн хуралдаанаар Ерөнхий сайдыг томилох эсэх асуудлыг хэлэлцэж байна. Яг одоо гишүүд Ерөнхий сайдад нэр дэвшигч Г.Занданшатарт хандаж үг хэлж байна.
УИХ-ын гишүүн Б.Түвшин "Эдийн засгийн хүндрэлтэй нөхцөлд Ерөнхий сайд болно гэдэг хэцүү. Гэхдээ нөгөө талдаа энэ бол боломж. Шинээр сонгогдож байгаа Ерөнхий сайдад түүхэндээ анх удаа урсгал зардлыг 2020 оны үе рүү буюу 15 их наяд руу оруулвал гайхамшигтай амжилт болох болно. Урсгал зардал буурснаар үр ашиггүй зардал буурч, инфляц буурна. Нэг сумаар их олон туулай буудна" гэлээ.
