Өнгөрсөн шөнө БЗД-ийн нутаг дэвсгэрт айлын залгаа хоёр гэр шатсаны улмаас дөрвөн хүүхэд, нэг том хүн нас барсан харамсалтай явдал тохиолдсон талаар бид өмнөх мэдээллээрээ хүргэсэн.

Тэгвэл энэ талаар Цагдаагийн ерөнхий газраас албан ёсны мэдээлэл өглөө. ЦЕГ-ын Хэвлэл мэдээллийн төвийн мэргэжилтэн Э.Энхзаяа хэлэхдээ "БЗД-т иргэн Х-гийн эзэмшлийн залгаа хоёр гэрт гал гарч шатсаны улмаас насанд хүрсэн нэг иргэн, 0-12 насны дөрвөн хүүхэд нас барсан нөхцөл байдал тогтоогдоод байна.

Шалгалтын ажиллагааг БЗД-ийн цагдаагийн гуравдугаарт хэлтэст үргэлжлүүлж байна" гэлээ.