Он гарсаар эхний дөрвөн сард манай улсын экспортын орлого 4.2 тэрбум ам.доллар болж, өмнөх оны мөн үеэс 695 сая ам.доллароор буюу 14.1 хувиар буурсан байна. Экспортын орлого буурахад нүүрсний экспорт гол жин дарсныг Үндэсний статистикийн хороо мэдээлжээ. Статисттик харвал, нүүрсний орлого 1.2 тэрбум ам.доллар, боловсруулаагүй газрын тос 25.5 сая ам.доллар, хонь, ямааны мах 20.2 сая ам.доллар, төмрийн хүдэр, баяжмал 13.5 сая ам.доллар, мал, амьтны самнасан үс, хязгас 10.5 сая ам.доллароор тус тус буурсан нь голлон нөлөөлжээ. Харин зэсийн хүдэр баяжмал 501.8 сая ам.доллар, жоншны хүдэр, баяжмар 32.5 сая ам.доллар, цайрын хүдэр, баяжмал 31.2 сая ам.доллароор тус тус өссөн байна.

Экспортын дүн мэдээллийг харвал хоёр дахь жилдээ дараалан оны эхний дөрвөн сар буураад байна. Оргил үедээ буюу 2023 онд экспортын орлого эхний дөрвөн сарын байдлаар 5 тэрбум ам.доллар давж байсан бол 2024 онд 4.9 тэрбум ам.доллар болсон бол энэ оны дөрвөн сарын байдлаар 4.2 тэрбум ам.долларт хүрэв.