УИХ-ын чуулганы ээлжит хуралдаанд үргэлжилж байна. Хуралдаанаар “Монгол Улсын хөгжлийн 2026 оны төлөвлөгөө батлах тухай” Улсын Их Хурлын тогтоолын төсөл /Засгийн газар 2025.04.30-ны өдөр өргөн мэдүүлсэн/ анхны хэлэлцүүлгийг хийж байна. Энэ үеэр УИХ-ын гишүүн А.Ариунзаяа "Ирэх гурван жилд алдагдалгүй төсөв батална гэдэгтээ итгэлтэй байна уу" гэж асуув. Түүний асуултад ЭЗХ-ийн сайд Л.Гантөмөр "Манай Засгийн газрын онцлог нь “За гэвэл Ёогүй” гэх зарчимтай. Алдагдалгүй батална гэсэн бол алдагдалгүй л батална" гэв.
