Улаанчулуутын хогийн цэгийн хашааны гадна иргэн, аж ахуйн нэгжүүд зөвшөөрөлгүйгээр хог хаядаг зөрчлөөс болж нийт 13 хорооны 45 байршилд үүсмэл хогийн цэг үүсээд байна. Тиймээс эдгээр байршилд хяналтын камер ажилуулж эхэлсэн байна. Камер 24 цагаар ажиллах бөгөөд дуу, дүрсний бичлэгийг цуглуулж зөрчил гаргаж буй иргэн, хуулийн этгээдэд холбогдох арга хэмжээг авахаар болов. Ялангуяа бүтээн байгуулалтын улирал эхэлсэнтэй холбоотой барилгын болон ахуйн хог хаягдлыг машинаар зөөвөрлөн хаяж буй зөрчилж нэмэгдсэн байна.
Нэг хэсэг нь амьдарч байгаа хороо, дүүргээ цэвэр, цэмцгэр байлгаж амьдрах орчноо сайжруулах гээд байдаг. Нөгөө хэсэг нь дуртай газраа машинаараа хог хаяж байгаль орчинд асар их хохирол учруулаад яваад байж болохгүй. Хүрээлэн буй орчны эсрэг гэмт хэрэг үйлдэж буй хэн бүхэн хуулийн хариуцлага хүлээх ёстой.
