Монгол Улсын Ерөнхийлөгч У.Хүрэлсүх Хүүхдийн байгууллага үүсэж, хөгжсөний 100 жилийн ойг тохиолдуулан төрийн дээд цол, одон, медаль гардууллаа. Энэ үеэр "Гэгээн өглөө сайн байна уу" дуугаар олонд танигдсан хүүхдийн нэрт дуучин Е.Наранцэцэг МУГЖ цол хүртлээ.
Тэрбээр сэтгүүлчдэд сэтгэгдлээ хуваалцахдаа "Ерөнхийлөгч надад "Таны дуугаар өсөж хүмүүжсэн. Танд баярлалаа, олон жил дуугаа дуулаарай" гэж хэлсэн. Би олон жил дуулах байх аа.
Бяцхан үрсийнхээ дууг дуулахад, Монголын ард түмэн намайг маш их дэмжсэн. Өнөөдөр би хүүхдийн байгууллагын 100 жилийн ойгоор хөөрхөн үрсийнхээ буянаар Монгол Улсын Гавьяат жүжигчин болж чадлаа. Найм дахь удаагийн тодорхойлолтоороо МУГЖ цолоо авлаа" гэсэн юм.
