Үндэсний дээд лигийн 2024-2025 оны улирлын финалын тоглолт тун сонирхолтой үргэлжилж байна. "Хасын Хүлэгүүд" "Бишрэлт Металл" багийн цувралын гурав дахь тоглолт өнөөдөр 15.10 цагт болно. Багуудын эхний тоглолт 82:85-ын харьцаатай "Бишрэлт Металл" багийн хожлоор дууссан бол хоёр дахь тоглолт "Хасын Хүлэгүүд" багийн хожлоор дууссан юм.

Цувралын эхний тоглолтын нэгдүгээр үеийн төгсгөлд "Бишрэлт Метал" багийн тоглогч Дэвон Скотт А.Азбаярын дагз хэсэг рүү нь хүчтэй цохиж, унагасан байдаг. Түүний уг үйлдэлд нь Монголын сагсан бөмбөгийн холбооноос 2026 оны нэгдүгээр сар хүртэл холбооноос зохион байгуулж буй бүх тэмцээнд оролцох эрхийг хасаж, 2 сая төгрөгөөр торгох шийдвэр гаргасан. Харин "Хасын Хүлэгүүд" багийн тоглогч А.Азбаярыг спортын буй үйлдэл гарган тоглогч болон үзэгчдийг илтэд үл хүндэтгэсэн ёс зүйгүй үйлдэл гаргасан гэж үзээд нэг тоглолт өнжүүлж, 500 мянган төгрөгөөр торгосон юм.