Засгийн газрын зүгээс Ухаа худаг, Төгрөг нуур зэрэг ордуудтай холбоотой асуудлыг хөндөж буй. Гэвч Ухаа худаг ордтой холбоотой тогтоолын төслийг УИХ-д өргөн мэдүүлэхээр хүргүүлсэн боловч хүлээж аваагүй байгаа талаар ХЗДХ-ийн сайд О.Алтангэрэл мэдэгдсэн байдаг. Үүнтэй холбоотойгоор УИХ-ын гишүүн Л.Мөнхбаясгалан өнөөдрийн чуулганы үеэр Ерөнхий сайдаас Ухаа худаг ордын асуудлыг хянан шалгах, тогтоолын төслийг нь өргөн барих хэвээрээ юу хэмээн тодруулав. Түүний асуултад Ерөнхий сайд Л.Оюун-Эрдэнэ "Ерөнхий сайд, ЗГ-ын хувьд "Ухаа худаг", "Төгрөг нуур", бусад бүх ордыг УИХ руу оруулж ярилцах ёстой гэсэн байр суурь хэвээрээ" хэмээн хариуллаа.
