Монголын сагсан бөмбөгийн дээд лигийн хагас шигшээ шат тун сонирхолтой үргэлжилж байна. Өчигдөр /2025.04.16/ "Эс Жи Эйпэс" болон "Бишрэлт Металл" багийн зургаа дахь тоглолт болж "Бишрэлт Металл" баг 110:97 харьцаатай ялалт байгуулж, хоёр багийн цуврал 3-3 гэсэн харьцаатай болсон. Ийнхүү 7 дахь тоглолт маргааш 19:10 цагт товлогдсон. Уг тоглолтод "Бишрэлт Металл" багийн Байрон Уэсли 45 оноо авахдаа 80 хувьтай довтолж, А.Энхбаясгалан 24 оноо, Т.Ууганбаяр 22 оноо авчээ. Тэгвэл А.Энхбаясгалан "Манай багийнхан 3:0 болсон ч гэсэн бууж өгөөгүй. Нэг, нэг тоглолтоор л ахина гэж өөрсдийнхөө сэтгэлзүйг бэлдсэн. 3:3 болсон ч баярлаагүй байна. Дахиад нэг тоглолт үлдсэн. Тэр тоглолтдоо илүү анхаарна. Дараагийн тоглолтод хүчтэй орж ирнэ" гэв.