УИХ-ын чуулганаар Уул уурхайн бүтээгдэхүүний биржийн тухай хуульд нэмэлт, өөрчлөлт оруулах тухай хуулийн төслийг УИХ-аар хэлэлцэх эсэхийг хэлэлцэж байна. Энэ үеэр УИХ-ын гишүүн Г.Дамдинням "Муу нуухаар сайн илчил гэж, энэ биржийн хуулийн өөрчлөлт чинь ДАХИАД Л НЭГ ОФФТЕЙК байхгүй юу. Хаширчхаад байна. Өмнөх нүүрсний хулгайн асуудлаасаа ямар сургамж авсан юм бэ" хэмээн асуув. Түүний асуултад Зам тээврийн сайд Б.Дэлгэрсайхан "Би аудит биш болохоор өмнө хэн юу, идэж уусан, ямар үнэтэй болсныг би мэдэхгүй. Том бүтээн байгуулалтыг хийе гэж байгаа бол ингэж хийхээс өөр аргагүй" гэлээ.