Засгийн газраас гаргасан шийдвэрийг танилцуулж байна.

-----------------

Сангийн сайд Б.Жавхлан: Өнгөрсөн долоо хоногт манай гол түүхий эдүүдийн экспортын хэмжээ бүгд тодорхой хэмжээ нэмэгдсэн. Зарим нь өнгөрсөн оны мөн хэмжээнд дөхөж ирсэн долоо хоног байлаа. Долоо хоног бүрийн экспортын хэмжээг харвал өнгөрсөн долоо хоногт экспорт 278 сая ам.долларт хүрч энэ оны хамгийн өндөр тоондоо хүрлээ. Өнгөрсөн долоо хоногоос даруй 40 гаруй сая ам.доллароор нэмэгдсэн үзүүлэлт байлаа. Эерэг гарахад Нарийнсухайтын бүлэг ордуудын экспортоос хийгдсэн дүнгүүд, хувийн уурхайнуудаас хийгдсэн экспортын дүн эерэгээр нөлөөллөө. Ингээд нүүрсний экспорт өнгөрсөн долоо хоногтой харьцуулахад 1.9 сая тонноор арилжаа нэмэгдэж 40 гаруй сая сая ам.доллароор өслөө. Эдгээр үзүүлэлтүүд валютын нөөц нэмэгдэхэд эерэг нөлөө үзүүллээ. Он гарснаас хойш Төвбанкны валютын нөөц 5 тэрбум 246 сая ам.доллар болсон нь сүүлийн хоёр сард хүрээгүй дүнд хүрлээ. Экспортыг дэмжих ажлын хэсэг ажлаа авсан даруйдаа сарын өмнө валютын нөөц тогтвортой эрсдэлгүй түвшинд очих нь чухал гэх бодлогоо тодорхойлсон. Тиймээс валютын нөөцөө хамгаалах бодлого нь нэн тэргүүний зорилтоо хамгаалж яваа гэсэн үг юм. Ийм өнгөрсөн долоо хоногийн эерэг мэдээнүүд байна. Мөн Засгийн газрын хуралдаанаар экспорттой холбоотой удаах тогтоол гарлаа. Хамгийн гол анхаарсан зүйл нь, хоёр чиглэлд яаралтай авахаар боллоо. Нэгт, Гашуусухайт, Шивээхүрэн, Бичигт, Ханги Булган эдгээр боомт дээр валютын нөөцөд эерэг үр дүн үзүүлэх, яаралтай зайлшгүй гарах шаардлагатай эдгээр экспортын биет түүхий эдүүд болон боомтуудыг зөв эрэмбэлж хугацаа алдахгүй гаргах зохион байгуулалт хийхийг боомт дээр ажиллаж буй төрийн захиргааны байгууллагуудад чиглэл өглөө. Мөн хувийн ч бай, Эрдэнэс Тавантолгой ч байсан, жижиг Тавантолгой ялгаагүй гарч буй экспортуудын биет хэмжээг нэмэгдүүлэх, өрсөлдүүлэх зорилгоор өртгийг нь бууруулах. Ялангуяа төмөр зам дээр гартал /уурхай дээрээс ачуулах гэсэн үг/ , төмөр зам дээр гарснаас хойшхи өртгүүдийг маш бодитойгоор тодорхой хэмжээнд буулгах ийм арга хэмжээ авахыг нүүрсний болон тээврийн компаниудад тодорхой чиглэл өглөө. Нөгөөтэйгүүр, валютын нөөцийг нэмэгдүүлэхэд Засгийн газрын хийх ажил ч байна, Монголбанкны хийх ажил байна. Хамгийн сүүлд Монголбанкнаас валютын нөөц 5 тэрбум 246 сая ам.долларт хүрснийг мэдээлсэн. Хамгийн гол нь төлбөрийн чадвар буюу төлбөрийн тэнцэлд биет хэмжээгээр экспортыг нэмэгдүүлэх нь Засгийн газрын ажил. Тэндээс орж ирсэн нөөцийг хэрхэн менежмент хийх үү, ямар үед нөөцөө хамгаалах уу гэдэг нь төвбанкны цэвэр үүрэг хариуцлага. Тэгэхээр ханшийн түвшинг тодорхой байлгах зэрэгт төвбанк хариулах нь илүү оновчтой. Засгийн газрын зүгээс валютын нөөцийг нэмэгдүүлэх чиглэлд өөрсдөөс шалтгаалсан бүх зүйлээ хийж байна. Ажлын хэсэг байгуулагдснаас хойш экспорт тодорхой хэмжээгээр нэмэгдэж байна. Мөн төвбанктай ойлголцож төсвийн бодлогоо харилцан уялдуулсны үр дүнд нөөц бодитойгоор нэмэгдлээ.