Эдийн засгийн байнгын хороо хуралдаж, Монгол Улсад агаарын хөлгийн түлш нийлүүлэх тухай Монгол Улсын Засгийн газар болон Оросын Холбооны Улсын Засгийн газар хоорондын хэлэлцээрийн төсөл /Засгийн газар 2025 оны 04 дүгээр сарын 04-ний өдөр ирүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ./ асуудлыг хэлэлцлээ. Энэ үеэр Аж үйлдвэр эрдэс баялгийн сайд Ц.Туваан "Бид нэг сумаар хоёр туулай буудах гэж байна. Оросын талаас түлш нийлүүлэх болон худалдааны хэлэлцээрийг хамтаар нь явуулъя гэдэг саналаа хэлж байгаа" гэв.