УИХ-ын гишүүн Б.Найдалаа, Боловсролын сайд П.Наранбаяр нар өчигдөр Төрийн ордонд зодолдсон гэх мэдээлэл цахим орчинд цацагдаад буй билээ. Энэ талаар Боловсролын сайд П.Наранбаяраас тодруулахад, "Б.Найдалаа гишүүнтэй харилцан зодолдоогүй. Санамсаргүй болсон зүйл. Эмнэлэгт очиж 2 жижигхэн оёдол тавиулсан. Цагдаагийн байгууллагад дуудлага өгөөгүй" гэв.
Харин УИХ-ын гишүүн Б.Найдалаа, "Сошиалаар гараад байгаа шиг зодоон болоогүй. Харин ажил хэргийн шалтгаанаар бага зэрэг маргалдсан. Би өмнө нь эрүүл мэндийн шалтгаантай байсан учраас эмнэлгийн чөлөөтэй байгаа" гэсэн юм.
