Энэ оны нэгдүгээр сарын 1-нээс эмч, эмнэлгийн ажилтны болон багш ажилчдын цалинг үе шаттайгаар нэмэгдүүлэхээр шийдвэрлэсэн ч цалингийн систем нь хоёр тогтолцоотой болсон гэж Боловсролын сайд Л.Энх-Амгалан тайлбарлан, энэ бол сайд асан П.Наранбаярын алдаа гэж байр сууриа илэрхийлсэн.

Тэгвэл УИХ-ын гишүүн, Боловсролын сайд асан П.Наранбаяр тайлбар хийж "Л.Энх-Амгалан сайд аа, ХҮН нам руу, өмнөх сайд руугаа бүх бурууг чихчихээд, өөрөө цэвэр үлдэх гээд байгаа юм уу. Тийм юм байхгүй шүү.

Багш, ажилчдын үндсэн суурь цалинг 50 хувиар нэмэгдүүлж чадсан. Энд 93 мянган хүн хамрагдсан" гэлээ.