ЦЕГ-ын хэвлэл мэдээллийн төвийн ахлах мэргэжилтэн, хошууч С.Баярбилэг өнөөдөр дараах мэдээллийг өглөө. Тэрбээр:

-2024 оны есдүгээр сард иргэн У-аас бусдад хүчиндүүлсэн гэх мэдээллийг цагдаагийн байгууллагад гаргасан. Тус мэдээллийг цагдаагийн байгууллагаас хүлээж авч, шалгалтын ажиллагаа явуулж байна. 2025 оны нэгдүгээр сарын 31-ний өдөр Эрүүийн хуулийн тусгай ангийн 12.1 дэх хэсэгт зааснаар хэрэг бүртгэлийн хэрэг нээгээд шалгалтын ажиллагаа үргэлжилж байна. Эрүүгийн хуулийн тусгай ангийн 12.1 дүгээр зүйлд хохирогчийн хүслийн эсрэг хүч хэрэглэж, хүчиндэхээр заналхийлж, мен согтуурсан мансуурсан, сэтгэцийн үйл ажиллагаа түр сарнисан үед бэлгийн харьцаанд орсон, бэлгийн харилцааны шинжтэй үйлдэл хийсэн тохиолдолд хүчиндэх гэмт хэргээр хуульчилсан зүйл. Иргэн У-аас гаргасан асуудалд цагдаагийн байгууллагаас холбогдох хуульд заасан үндэслэл журмын дагуу нотолбол зохих байдлыг тогтоох зорилгоор шалгалтын ажиллагааг үргэлжлүүлж байна.