Сэлэнгэ аймгийн "Сэлэнгэ бодонс" багт АНУ-ын тоглогч Демаркус Казинс ирж тоглохоор болсон талаар бид өмнө нь мэдээлж байсан. Тэгвэл Олимп, дэлхийн аварга DeMarcus Cousins ирэх гуравдугаар сарын 7-ны 10.25 цагт Чингис хаан олон улсын нисэх буудалд газардахаар болжээ.
Демаркус Казинстой хийсэн гэрээний талаар "Сэлэнгэ Бодонс" багийн эзэн Л.Наранбаатараас тодруулахад, "NBA-ийн 4 удаагийн SUPER STAR, бүх оддын тоглогч, олимпийн аварга Демаркус Казинс Сэлэнгэ бодонс багт нэгдлээ. 2024 оны арванхоёрдугаар сарын 31-нд "Сэлэнгэ Бодонс" багт нэгдэх гэрээг хийсэн. Демаркус Казинс цагаан сараар Монголд ирнэ. Плей Офф-ын үеэр бүтэн тоглоно. Хоёр сар "Сэлэнгэ Бодонс" багийн фенүүдтэй цуг байна" хэмээн мэдэгэж байсан юм.