Засгийн газар гуравдугаар сарын 1-ний өдрөөс хойш хаврын морин уралдаан зохион байгуулах эрхийг нь тухайн аймаг, орон нутгийн удирдлагад нь өгөхөөр шийдвэрлэсэн юм. Үүнтэй холбоотойгоор ХЭҮК-оос мэдээлэл хийлээ.
ХЭҮК-ын гишүүн Ж.Хунан:
-21 аймаг, есөн дүүргээс сүүлийн гурван жилээр мориноос унаж бэртсэн амь насаа алдсан хүүхдийн тоо баримт байна. Холбогдох газруудаас тоо баримтыг ирүүлсэн.Тухайлбал, 2022 онд 85 хүүхэд мориноос унаж бэртсэн. Эрүүгийн хуулийн дагуу шийдвэрлэгдээгүй. Нэг хүүхэд нас барсан тохиолдлыг Эрүүгийн хуулийн дагуу шийдвэрлэсэн.
2023 онд 149 хүүхэд мориноос унаж бэртсэн. Нэг хэргийг Эрүүгийн хуулийн дагуу шийдвэрлэсэн. 4 хүүхэд нас барсан хэргийг Эрүүгийн хуулийн дагуу шийдвэрлэсэн.
2024 онд 234 хүүхэд мориноос унаж бэртсэн. 7 хэргийг Эрүүгийн хуулийн дагуу шийдвэрлүүлсэн.
