Улаанбаатар хотын агаарын бохирдлыг бууруулах, дэд бүтцийн бүтээн байгуулалтын төсөл, арга хэмжээг хэрэгжүүлэхэд дэмжлэг үзүүлэх, салбар хоорондын зохицуулалт, шуурхай удирдлагаар хангах Шуурхай штаб хуралдав.

Энэ үеэр хотын дарга Х.Нямбаатар метроны төслийн явцын талаар танилцуулга хийлээ. Тэрбээр хэлэхдээ "Гүйцэтгэгчдийн хувьд сүүлийн жилүүдэд Хятадын маш олон хотод хийсэн метроны дундаж хурдыг үзэхэд, 18 км 100 хувь газар доогуурх метроны ажлыг 4-5 жилд хийсэн олон улсын туршлагууд бий. Манайх ч мөн 100 хувь газар доогуур хийгдэнэ. Газар доор хийгдэж байгаагийн гол онцлог нь гар дээрх худалдаа болон ТҮЦ-үүдийг ил байлгахгүйгээр метроны буудлуудад байрлуулъя гэж байгаа" гэлээ.