Японд пүрэв гарагт коронавирусний халдварын 1024 тохиолдол шинээр бүртгэгдсэн нь наймдугаар сарын сүүлээс хойш өдөрт илэрсэн хамгийн өндөр үзүүлэлт болжээ.

Иймд Японд халдвар авсан хүний тоо 105770-д хүрсний 712 нь аяллын хөлөг онгоцны зорчигчид юм. Түүнчлэн халдвар улмаас 1816 хүн нас барсны 13 нь хөлөг онгоцны зорчигч байжээ. Түүнчлэн нийслэл Токио хотод пүрэв гарагт халдварын 269 тохиолдол шинээр илэрсэн байна.

Токиод өдөрт бүртгэгдсэн халдварын шинэ тохиолдлын тоо сүүлийн гурван долоо хоногт анх удаа 250-ыг давж буй нь энэ юм. Японы нийслэлд лхагва гарагт 200-гаас цөөн тохиолдол бүртгэгдээд байсан бөгөөд тус хотод өнөөдрийн байдлаар 31893 хүн халдвар авчээ.