“Монголын экмпедишнс” компанийн санаачилгаар БОАЖЯ, Монголын уулчдын үндэсний холбоо, Өвөрхангай аймгийн ЗДТГ хамтран Хархорум 2020 мөсөнд авиралтын тэмцээнийг энэ сарын 28, 29-нд Улаан цутгаланд зохион байгуулах юм. Уулын спортын энэхүү төрлийг түгээн дэлгэрүүлэх, сонирхогч, хичээллэгчийн тоог нэмэгдүүлэх, тамирчдын залгамж халааг бэлтгэх, өвлийн аялал жуулчлалыг хөгжүүлэх зорилгоор ес дэх удаагаа зохион байгуулагдаж байна. Мэргэжлийн тамирчид болон сонирхогчид энэ үеэр ганцаарчилсан болон багаараа оролцох боломжтой. Тэмцээний бүртгэл энэ сарын 26 хүртэл явагдах юм.