Монголбанкны Мөнгөний бодлогын хороо хуралдаж байна. Хуралдаанаас гаргасан шийдвэрийг 14:00 цагт танилцуулах юм. Өнөөдрийн байдлаар бодлогын хүү 10 хувьтай байна.
Мөнгөний бодлогын хороо өнгөрсөн оны арванхоёрдугаар сарын 12, 13-ны өдөр хуралдаж бодлогын хүүг 10 хувьд хэвээр хадгалах шийдвэр гаргасан. Тус хороо нь жилд 4 удаа хуралддаг бөгөөд есдүгээр сарын хурлаараа бодлогын хүүг нэг нэгж хувиар бууруулж, 10 хувь болгосон. Бодлогын хүү нь төв банкны үнэт цаасны хүү бөгөөд зах зээлийн суурь хүү юм.
